2024 jyly Almatynyń Túrksib aýdanynda 5500 abonent úshin sý qubyry men káriz júıesi salynady
Almatynyń Túrksib aýdanyndaǵy Maıak, Nıjnáá pátıletka shaǵyn aýdandary men Zakarpatskaıa kóshesindegi 5500 abonent úshin 131,3 shaqyrym sý qubyry men 56 shaqyrym káriz qurylysynyń jobalary júzege asýda. Aıaqtalý merzimi – 2024 jyly. Bul týraly Túrksib aýdanynyń ákimi Baqytjan Aqjarov Almatydaǵy óńirlik komýnıkasıalar qyzmetiniń alańynda málim etti, dep habarlaıdy almaty-akshamy.kz. Sondaı-aq, onyń aıtýynsha, 2024 jyldyń ekinshi toqsanyna Qaırat shaǵyn aýdanynda 40 shaqyrym sý qubyry jáne ekinshi kezektegi sý burý jelilerin salý boıynsha jumystardy bastaý josparlanǵan.
«Aýdannyń ortalyq bóliginde, Rysqulov – Jansúgirov – Sholohov – Seıfýllın kósheleriniń jáne Áýejaı kóli aýdanynyń 2 ýchaskesi boıynsha sýmen jabdyqtaý jáne káriz jelilerin jobalaý jalǵasýda. Qurylys-montaj jumystarynyń shamamen bastalýy 2024 jyldyń ekinshi toqsany», - dedi Baqytjan Aqjarov.
Ol aǵymdaǵy jyldyń sońyna deıin Álmerek, Jas Qanat shaǵyn aýdandarynda 2470 abonent úshin 17,6 km sý qubyry men 18,8 km káriz qurylysy aıaqtalatynyn atap ótti. Al tamyz aıynda Shýaqty shaǵyn aýdanynda 400 úıdi qamtıtyn sýmen jabdyqtaý jáne sý burý jelileri paıdalanýǵa berildi. Sonymen qatar, 20 myń abonentke qyzmet kórsetetin Tbılısskaıa kóshesinde 400 metrden astam káriz estakadasy rekonstrýksıalandy.
Túrksib aýdanynyń ákimi Shýaqty shaǵyn aýdanynda elektr berý jelilerin jańǵyrtý týraly da habarlady. Onyń derekteri boıynsha, Álmerek, Nurshashqan, Qaırat shaǵyn aýdandaryndaǵy jeliler jańǵyrtý jalǵasyp jatyr, sodan keıin turǵyndardy «AJK» AQ jelilerimen qyzmet kórsetýge aýystyrý júrgiziledi.