Májilis «Túrkistan qalasynyń erekshe mártebesi týraly» jáne oǵan qatysty túzetýler boıynsha túzetýlerdi birinshi oqylymda maquldady, dep habarlaıdy aqshamnews.kz
Zań jobalaryn Memleket basshysynyń tıisti tapsyrmasyn oryndaý maqsatymen Ulttyq ekonomıka mınıstrligi ázirledi. Jobalardyń maqsaty – Túrkistandy Qazaqstannyń rýhanı-mádenı, tarıhı jáne týrısik ortalyǵy retinde qalyptastyrý, damytý jáne onyń jumys isteýi úshin quqyqtyq jaǵdaı jasaý. Negizgi prınsıpter tarıhı-mádenı murany saqtaý, qorǵaý jáne rýhanı nysandardyń qasıettiligin saqtaý.
Negizgi zań jobasy aıasynda qala aýmaǵyndaǵy tarıhı-mádenı eskertkishter olardyń quqyqtyq mártebesi, qorǵaý rejımi, paıdalaný tártibi jáne basqa da aspektilerin anyqtaıtyn sanattarǵa bólinedi. Sonymen qatar Qoja Ahmet Iasaýı kesenesiniń biregeıligin saqtaý jáne aınalasyndaǵy qurylysqa bógde elementterdiń enýine jol bermeý maqsatymen shekteýler engiziledi. Atap aıtqanda, keseneniń qorǵaý aımaǵynyń shekarasynan 100 metr qashyqtyqta bıiktigi jeti metrden asatyn, sondaı-aq tarıhı eskertkishtermen aýqymy, túsi jáne qurylys materıaldary boıynsha úılespeıtin nysandardyń qurylysyna tyıym salynady.