Túrkistanda Memlekettik Týdy kóterý rásimi ótti.
Túrkistandaǵy «Rámizder» alańynda 25 qazan – Respýblıka kúnine arnalǵan Memlekettik týdy kóterý rásimi ótti, dep habarlaıdy Almaty-akshamy.kz.
Aldymen Ánuran shyrqalyp, kók baıraq jelbiredi. Saltanatty jıynǵa Túrkistan oblysynyń ákimi Darhan Satybaldy, el aǵalary, jastar, qala turǵyndary qatysty.
Túrkistandaǵy tý tuǵyrdyń bıiktigi 62,5 metrdi quraıdy. Baıraqtyń eni 12 metr bolsa, uzyndyǵy – 24 metr.
Merekelik is-sharada konserttik baǵdarlama usynylyp, otanshyldyqty dáripteıtin ánder shyrqaldy. İs-shara «Kók týdyń jelbiregeni» ánimen túıindeldi. Kópshilik bir-birin merekemen quttyqtady.