Sońǵy kezderi osy qubylys jıi qaıtalanatyn bolǵan.
Túrkistan oblysynda báısheshek gúldedi, dep habarlaıdy Almaty-akshamy.kz oblys ákimdiginiń baspasóz qyzmetine silteme jasap.
Lapyzdar tuqymdasyna jatatyn báısheshektiń bul túri Qazaqstanda sırek kezdesedi
"Syrdarıa-Túrkistan memleket óńirlik tabıǵı parkine" qarasty erekshe qorǵalatyn tabıǵı aýmaqtaǵy erekshe sátti memlekettik ınspektor Hamıt Qaldarbekov sýretke túsirip alǵan.
Mekemedegi ǵylym, aqparat jáne monıtorıń bólimi meńgerýshisiniń aıtýynsha, báısheshektiń bul túri kesselrıng lapyzy dep atalady.
Lapyzdar tuqymdasyna jatatyn bul ósimdik Qazaqstanda sırek kezdesedi. Alaıda respýblıkada taralý aımaǵy keńdeý, Batys Tán-SHan taý eteginen, Qarataý alasa taýynan jáne Shý-İle taýlarynan basqa Pamır-Alaı taýynda ósedi. Tipti Qazaqstan qyzyl kitabynyń ekinshi basylymyna engizý usynylǵan.
Kesselrıng lapyzy – sabaǵy jalǵyz jáne tike, bıiktigi 6-10 sm bolatyn kópjyldyq ósimdik. Japyraqtary gúlimen qosa ósedi, al eni 1 sm-ge deıin bolady. Gúlderi aq, qońyraý tárizdes bolyp keledi. Naýryz-mamyr aılary aralyǵynda gúldeıdi.