Túrkistanda Naýryz merekesi erekshe túrde atalyp ótildi. Naýryzdyń dástúrli taǵamy – naýryz kóje bul joly úlken aýqymda daıyndalyp, 2,5 tonna kóje ázirlendi. Aspazdyq óner men ulttyq taǵamdardy dáripteý maqsatynda daıyndalǵan naýryz kójesine 250 keli et pen 1 tonna dándi daqyl qosylǵan, dep habarlaıdy aqshamnews.kz
«Negizi naýryz kóje jeti túrli dámnen jasalady. Biz biraq dámi erekshe bolýy úshin segizinshi dám retinde qurt maltasyn qostyq», – deıdi kóje daıyndaýshylar.
Bul erekshe kójeniń daıyndalýy 24 saǵatty qamtyǵan jáne 250-300 lıtrlik 12 qazanǵa pisirilgen.
Naýryz kóje qala turǵyndary men qonaqtaryna 150 teńgeden satyldy. Uıymdastyrýshylardyń aıtýynsha, jınalǵan qarajat balalar úıine qaıyrymdylyq retinde beriledi. Keshenniń ishine tolyp ketken halyqtyń kóńili kóterilip, naýryz merekesi naǵyz ulttyq salt-dástúrdi pash etýge múmkindik berdi.
«Kerýen Saraı» kesheniniń ishi ıin tiresken halyqqa lyq toldy, bul da merekelik sharanyń úlken tanymaldylyǵyn jáne halqymyzdyń dástúrlerge degen qurmetin kórsetedi. Ulttyq taǵamdardy dáripteý, halyqtyń birligin nyǵaıtý maqsatynda uıymdastyrylǵan bul is-shara Naýryz merekesiniń maǵynasyn tereń sezinýge múmkindik berdi.