Búgin – onkúndik Naýryznamanyń ulttyq sport kúni. Dál osy mezette qazaqtyń menmin degen atbegileri Ordabasyda júırikterin jaratyp, alamanǵa at qosqaly jatyr. Sebebi birer saǵattarda Shymkentte báıgeden el birinshiliginiń alǵashqy kezeńi bastalady, dep habarlaıdy aqshamnews.kz
Dala dúbirinde qunan 7 shaqyrym, ushqyr attar 5 shaqyrymǵa shabady.
Sondaı-aq 12 shaqyrym qashyqtyqqa arnalǵan top báıge, sosyn 18 shaqyrymǵa alaman ótedi.
Jarystyń jalpy júlde qory - 22 mıllıon teńge.
Shymkenttegi aıtýly jarystan keıin araǵa bir aı salyp Qyzylorda, Taldyqorǵan, Kókshetaý, Semeı, Pavlodar, Aqtóbe qalalarynda el chempıonatynyń irikteý kezeńderi jalǵasyn tabady. Oza shapqan júırikter fınalǵa joldama alady.
Fınaldyq báseke 28 qyrkúıek kúni Tarazda ótedi.