Túrkistan oblysy Keles aýdandyq sotynda damýynda ereksheligi bar 24 jastaǵy jigitti zorlaý isine qatysty úkim shyqty, – dep habarlaıdy Aqshamnews.kz tilshisi.
Oqıǵanyń mán-jaıy
Bul jaǵdaı 2025 jyldyń naýryzynda “NeMolchı.kz” qorynyń jazbasynan keıin belgili boldy. Qor dereginshe, aqyl-oı qabileti 4 jastaǵy balanyń deńgeıine sáıkes keletin 24 jastaǵy azamat birneshe jyl boıy óz týystary men kórshilerinen jábir kórip kelgen.
Jábirlenýshiniń anasy zorlyq-zombylyqqa alty adamnyń, sonyń ishinde kámeletke tolmaǵandardyń da qatysy bar ekenin aıtqan. Alaıda sot aldynda onyń kámeletke tolǵan úsh týysy ǵana jaýapqa tartyldy.
Sot sheshimi
Sot prosesi jabyq túrde ótti. Eki aıyptalýshy Qylmystyq kodekstiń 121-baby 2-bóliginiń 1 jáne 4-tarmaqtary boıynsha — ıaǵnı birneshe ret jasalǵan toptyq zorlaý faktisi úshin kináli dep tanyldy. Úshinshi aıyptalýshy osy bappen qatar urlyq jasaǵany úshin de jaýap berdi (QK 188-baby).
Jábirlenýshiniń advokaty Gúlaıhan Tursymanovanyń aıtýynsha, sot úsheýin de toǵyz jylǵa bas bostandyǵynan aıyrý týraly úkim shyǵarǵan.