Túrkistan oblysynda polısıa óz ákesin aıaýsyz urǵan er adamdy ustady, - dep habarlaıdy Aqshamnews.kz.
Bul týraly oblystyq polısıa departamentiniń baspasóz qyzmeti málimdedi.
Áleýmettik jelilerde bir adamnyń ekinshi adamǵa kúsh kórsetip jatqan vıdeo taraǵan edi.
"Oqıǵa boıynsha qylmystyq is qozǵaldy. Kúdikti ustalyp, ýaqytsha ustaý ızolátoryna qamaldy. Jaǵdaıdyń barlyq mán-jaıy anyqtalyp jatyr", – delingen habarlamada.
Sondaı-aq, qajet jedel-tergeý is-sharalary júrgizilip jatqany jáne olardyń nátıjesi boıynsha tıisti sheshim qabyldanatyny habarlandy.
"Qylmystyq-prosestik kodekstiń 201-babyna sáıkes, tergeý múddesine baılanysty basqa aqparat jarıalanbaıdy", – dep tolyqtyrdy vedomstvonyń baspasóz qyzmeti.