Túrkistan oblysynyń polıseıleri halyqaralyq izdeýde júrgen sheteldikterdi ustady, dep habarlaıdy almaty-akshamy.kz Polisia.kz. silteme jasap.
Túrkistan oblysy polısıa departamenti ekstremızmge qarsy is-qımyl basqarmasynyń qyzmetkerleri jedel aldyn alý sharalary aıasynda halyqaralyq izdeýde júrgen 3 shetel azamatyn anyqtady. Ustalǵan sheteldiktiń biri – úsh jyl boıy halyqaralyq izdeýde júrgen Ózbekstan azamaty. Ol óz elinde qaraqshylyq shabýyl jasaǵany úshin sottalǵan 38 jastaǵy er azamat. Ony polıseıler Ordabasy aýdanynda qolǵa túsirdi.
Sonymen qatar er adamnyń 2020 jyly túrmeden qashyp, keıin Qazaqstan shekarasyn zańsyz kesip ótkeni anyqtaldy. Atalǵan fakti boıynsha oqıǵanyń tolyq mán-jaıy anyqtalyp jatyr. Al ekinshi kúdikti - 30 jastaǵy shetel azamatyna esirtki saqtaýmen baılanysty qylmys jasaǵany úshin Astana qalalyq polısıa departamenti tarapynan izdeý jarıalanǵan. Ol Saryaǵashta ustaldy.
Halyqaralyq izdeýde júrgen úshinshi kúdikti Reseı azamaty Keles aýdanynda ustaldy. Jas jigitke 2022 jyldyń jeltoqsan aıynda kórshi elde izdeý jarıalanyp, Qazaqstanda jasyrynyp júrgeni belgili boldy. Qazirgi tańda 21 jastaǵy shetel azamaty qamaýǵa alyndy.
Qazirgi tańda olardy ekstradısıalaý máselesi sheshilip jatyr.