Almaty qalasynyń ákimi Erbolat Dosaev turǵyndarmen kezdesý barysynda megapolıstegi ınfraqurylymdyq jobalardyń júzege asý barysyn baıandady, dep habarlaıdy aqshamnews.kz
190 km jańa jeli: myńdaǵan turǵyn qamtyldy
Qala ákiminiń aıtýynsha, búgingi tańda 190 shaqyrym sý qubyry men káriz jelileri jańadan tartylyp, 5800 abonent jańa júıege qosylǵan. Atap aıtqanda, Tómengi Besjyldyq shaǵyn aýdanyndaǵy jumystar tolyqtaı aıaqtalýǵa jaqyn.
2025 jyly Qaırat shaǵyn aýdanynda jáne taǵy tórt jobada jańa jeliler salynyp, 1500 úı sapaly sýmen qamtylatyn bolady.
Shuǵylada káriz stansıasy salynyp jatyr
Sonymen qatar, Erbolat Dosaev Shuǵyla shaǵyn aýdanynda salynyp jatqan káriz stansıasynyń qurylysy da máresine taıaǵanyn atap ótti. Bul joba – aýdannyń sanıtarlyq-ekologıalyq jaǵdaıyn jaqsartýǵa baǵyttalǵan mańyzdy ınfraqurylymdyq sheshim.