Jubanov ýnıversıtetine halyqaralyq utqyrlyq baǵdarlamasy aıasynda Túrkıalyq ǵalym Danıal Israfılzade Magomedogly keldi, dep habarlaıdy almaty-akshamy.kz
Balykesır Ýnıversıtetiniń profesory fızıka-matematıka fakúltetiniń magıstranttaryna bir aı boıy dáris oqıdy. Sonymen qatar profesor-oqytýshylar quramy, doktoranttar men magıstranttarǵa ǵylymı semınar ótkizetin bolady. «Kompleksti jazyqtyq aımaqtaryndaǵy qatarlardyń aproksımasıalyq qasıetteri», «Naqty ostegi jáne kompleksti jazyqtyq aımaqtaryndaǵy fýnksıalardyń jýyqtaý teorıasy», «Garmonıkalyq taldaý» taǵy da basqa baǵyttar boıynsha ǵylymı-zertteý jumystarynyń tájirıbesimen bólisedi.
Profesor Danıal Israfılzade Magomedogly 1985 jyldan bastap Amerıkalyq matematıkalyq qoǵam múshesi. Ázirbaıjan matematıka jýrnaly, Ázirbaıjan Ulttyq ǵylym akademıasy, Ázirbaıjan UǴA Matematıka jáne mehanıka ınstıtýty, Hazar matematıka jýrnaly jáne qazirgi matematıka jýrnaldarynyń redaktory qyzmetin atqaryp keledi. Ǵylymı jetekshiligimen 12 magıstrant, 8 doktorant qorǵap shyqty.