Qazaqstan TJM qutqarýshylarynyń kúshteri 7 adamdy qutqardy
Túrkıanyń Nýrdagy qalasyndaǵy joıqyn jer silkinisiniń saldaryn joıýǵa jumyldyrylǵan qazaqstandyq qutqarýshylardyń ekinshi eshelony elge aman-esen oraldy, dep habarlaıdy Almaty-akshamy.kz QazAqparatqa silteme jasap.
QR TJM qutqarýshylary men Apattar medısınasy ortalyǵynyń dárigerleri bar bort Astana áýejaıyna qondy. Olardy qazaqstandyqtar, týystary, dostary men áriptesteri kútip aldy. TJ mınıstri Iýrıı Ilın men Túrkıa Respýblıkasynyń Qazaqstan Respýblıkasyndaǵy Tótenshe jáne Ókiletti Elshisi Ýfýk Ekıdjı (Ufuk Ekici) da qutqarýshylardyń aldynan shyǵyp, olardyń árqaısysyna atqarǵan qıyn jumysy úshin alǵystaryn bildirdi. Sondaı-aq olardyń is-áreketterin kásibı, erjúrek jáne nátıjeli dep baǵalady.
Memleket basshysynyń tapsyrmasy boıynsha 7 aqpanda qutqarý bólimsheleriniń kúshteri men quraldary, onyń ishinde Qazaqstan TJM tehnıkasy, Apattar medısınasy ortalyǵynyń dárigerleri jáne kınologıalyq eseptoptar alǵashqylardyń biri bolyp eki eshelonmen jolǵa shyǵyp, eń kúrdeli qıraǵan obektilerde izdestirý-qutqarý jumystaryn júrgizýge kirisken bolatyn. Qazaqstandyq qutqarýshylar tobyn TJ birinshi vıse-mınıstri Ibragım Kúlshimbaev basqardy.
Esterińizge sala keteıik, Túrkıanyń úsh óńirinde izdestirý-qutqarý jumystaryn júrgizý bastalǵannan beri Qazaqstan TJM qutqarýshylarynyń kúshteri 7 adamdy qutqardy. Qaza tapqan 88 adamnyń, onyń ishinde 10 balanyń denesi shyǵaryldy.