Altyndy Ernur Fıdahmetov jeńip aldy.
Túrkıada grek-rım kúresinen reıtıńtik týrnır aıaqtalyp, qazaqstandyq balýandar 1 altyn, 1 kúmis jáne 3 qola medal jeńip aldy. Odan bólek, alty sportshy besinshi oryn ıelendi, dep habarlaıdy Almaty-akshamy.kz Olympic.kz cilteme jasap.
Bas bapker Serik Jumashevtiń aıtýynsha, balýandar óz deńgeıinde óner kórsetken.
«Týrnırge 15 memlekettiń balýandary qatysty. Qazaqstan komandasy jalpy esepte 28 sportshyny jarysqa qosqan bolatyn. Onyń ishinde beseýi júldege ilikti. Bir altyn, bir kúmis, úsh qola medal bar. Odan bólek, qola júldege talasqan alty sportshymyz jeńilip qaldy. Jalpy alǵanda, bul - bıylǵy maýsymnyń betashar jarysy. Qaı balýannyń daıyndyǵy qaı deńgeıde ekenin baqyladyq. Endi aldaǵy básekelerge daıyndalamyz», - dedi Jumashev.
Aıta ketelik, Túrkıa jerindegi jalǵyz altyndy Ernur Fıdahmetov jeńip alǵan bolatyn.