Túrkıanyń shyǵysyndaǵy Malatá provınsıasynda 5,3 baldyq jer silkinisi boldy. Bul týraly osy eldiń TJ zalalyn joıý basqarmasy (AFAD) málimdedi, dep habarlaıdy almaty-akshamy.kz QazAqparatqa silteme jasap.
AFAD málimetinshe, jer silkinisi juma kúni saǵat 20:48-de tirkeldi. Onyń epısentri Malatá provınsıasynyń Eshılúrt aýdanynda boldy. Oshaǵy 7 shaqyrym tereńdikte.
Jer silkinisi Malatáda, sondaı-aq Kahramanmarash, Adyıaman, Shanlyýrfa jáne Gazıantep qalalarynda sezildi. Kóptegen qala turǵyndary dúmpýlerdi sezinip birden kóshege shyqqan.
«Bizdiń brıgadalar dalalyq zertteýler júrgizýde. Qazirgi kezde Battalgazy aýdanyndaǵy qaraýsyz qalǵan 1 ǵımarat qırady. Kósheden ótip bara jatqan bir bala aıaǵyn syndyryp, aýrýhanaǵa jetkizildi. Birneshe adam balkonnan sekirgen», - dedi Malatá provınsıasynyń basshysy Ersın Iazydjı.
.