Túrki áleminiń ótkeninen syr sherter jádigerler Mońǵolıanyń Nomgon ańǵarynda tabylǵan.
Qutlyq Elteris - jetinshi ǵasyrda ekinshi túrik qaǵanatyn qurǵan qaǵan, dep habarlaıdy Almaty-akshamy.kz Qazaqtv.com-ǵa
«Qazirge deıin túrki tarıhynda belgili jáne Tomson tarapynan ashylǵan 130 jyldan bergi eń aýqymdy tarıhı-arheologıalyq jańalyq desek, kem aıtpaımyz. Túrki dáýiriniń qundy jádigerinde «túrik» ataýy alǵash ret kezdesetin eń kóne jazba eskertkishi bolyp tabylady. Buǵan deıin túrik ataýy Bilge qaǵan men Kúltegin jazbalarynda kezdesetin edi», - deıdi halyqaralyq túrki akademıasynyń prezıdenti m.a Fızýlı Madjıdlı.
«Býrsaǵa arnaıy tarıhı jádigerimiz jaıly bilý úshin keldim. Bul - bárimizdiń ortaq jetistigimiz. Bastamany kótergen ǵalym ári túrki dúnıesine eńbegi sińgen Darhan Qydyráli men Túrki akademıasyna alǵysymdy aıtamyn. Endi bizdiń basty mindetimiz - muny jedel túrde tarıh jáne túrkologıa oqýlyqtaryna engizý», - deıdi Kavkaz ýnıversıtetteri qaýymdastyǵynyń prezıdenti Ramazan Korkmaz.
Eske salaıyq, zertteý jumystary Mońǵol jerinde 2016 jyldan beri jalǵasyp kele jatyr. Aldaǵy ýaqytta Qutlyq qaǵan keshenin ashyq aspan murajaıyna aınaldyryp, arnaıy statýs berý kózdelip otyr.