Apattan zardap shekken Túrkıaǵa kúlli álemnen qutqarýshylar men dárigerlerden bólek, eriktiler, kásipkerler jáne basqa da qaıyrymdy jandar kómekke umtyldy.
Zilzala bolǵan aımaqqa qandaı da bir paıdam tıer degen úmitpen talaı adam qaýipti bolsa da, osy óńirge kelip jatty. Qazaqstandyqtardyń da osy apattyń zardaptaryn joıýǵa qosqan úlesteri orasan, dep habarlaıdy Almaty-akshamy.kz.
Jer silkingen aımaqqa erikti bolyp kelgen jastardyń biri - Omar, ol - Stambýl qalasynda oqıtyn stýdent. Ol qazaqstandyq qutqarýshylarǵa aýdarmashy bolyp, úıindi astynda qalǵan adamdardy shyǵarýǵa az da bolsa septigim tıse degen úmitpen kelgen.
«Qutqarýshylarǵa qandaı kómek qolyn soza alamyn degen oı boldy. Men túrik tilin bilgendikten, túrik tilin bilmeıtin qutqarýshylarǵaaýdarmashy retinde kómektesýge keldim. Ystyq tamaqtary bolsyn, sháılary bolsyn, biz qutqarýshylarǵa qolymyzdan kelgenshe kómektesýge keldik. Eshqandaı qıyndyq bolǵan joq», - deıdi erikti Omar Aıqoja.
Qazaqstandyq qutqarýshylar Gazıantep pen Nurdaǵy qalalarynda 10 kún boıy kúndiz-túni jumys istedi. Olardyń jatyn oryndary men tamaǵyn daıyndap, apat ornyna arnaıy kóliktermen baryp-kelýin qamtamasyz etken túrik kásipkeri Iskender osy arqyly kómekke kelgen baýyrlarǵa rızashylyǵyn bildirgisi kelgenin aıtady.
«Men úshin Qazaqstannyń orny erekshe. Sebebi dos elder kóp, al Qazaqstan - bizdiń baýyrymyz. Qazaqstannyń barlyq qalalaryndaǵy baýyrlarymyzǵa ózimniń atynan, eldiń atynan erekshe alǵysymdy bildiremin. Qıyn kúnderde janymyzdan tabyldy, bizge úlken qoldaý kórsetti. Sol úshin elshilikke, qutqarýshylarǵa, barlyq qazaqstandyqtarǵa rahmet»! - deıdi kásipker Iskender Kaplan.
Apat bolǵan aımaqta birinshi kúnnen bastap Qazaqstannyń Túrkıadaǵy elshiligi bizdiń azamattardy evakýasıalaýdan bastap, qutqarýshylar qyzmetin úılestirýge deıingi jumystardy rettep otyrdy.
«Biz dıplomat bolǵandyqtan, osy qutqarý aımaǵynda 7/24 saǵat boıy tabyldyq. Alǵashqy kúnnen bastap. Gazıantep qalasyna kelgen tuńǵysh sheteldik mısıa boldyq. Elshimizdiń ózi bastap kelgen dıplomattar toby boldy. Gazıantep qalasyndaǵy jergilkti bılikpen tıimdi is-áreketter quryp, bizdiń qutqarýshylardyń jumystaryn ýaqtyly jáne sapaly atqarýlary úshin kerekti jaǵdaılar jasaldy», - deıdi Qazaqstan Respýblıkasynyń Túrkıadaǵy elshiliginiń keńesshisi Nurıddın Amanqul.
"Aǵaıynnyń qadirin is túskende bilersiń" degen naqyl dál qazir Túrkıa halqy úshin óte ózekti. Qıyn jaǵdaıda qalǵan elge qol ushyn sozǵan ár azamatqa túrkıalyqtardyń rızalyǵy sheksiz.