Aqynnyń ustanymy kúlli túrki úshin ortaq
Kúni erteń Qazaqstannyń Eńbek Eri Muhtar Shahanov 80 jasqa tolady. Aıtýly kúnge oraı halyqaralyq TÚRKSOI uıymy men Mádenıet jáne sport mınıstrliginiń uıytqysymen Ankarada halyqaralyq konferensıa ótti, dep habarlaıdy Almaty-akshamy.kz «Habar 24» telearnasyna silteme jasap.
Muhtar Shahanovtyń 80 jasyn toılaý Túrkıadan bastaý aldy. Keleli jıyn halyqaralyq TÚRKSOI uıymynyń shtab-páterinde uıymdastyryldy. Aqynnyń qatysýymen ótken sharada túbi bir túrki jurtynyń elshileri túgel boı kórsetip, qoǵam qaıratkerleri men kórnekti ókilderi jınaldy. Halyqaralyq konferensıada Shahanovtyń ádebıet pen qoǵam ómirine sińirgen eńbegi keńinen talqylandy.
«Muhtar Shahanov – túrki dúnıesine ortaq aqyn. Ol tek qazaq eliniń emes, túrki jurtynyń rýhanı tulǵasy. Muhtar aǵaı aıtty, meniń birinshi merekemdi TÚRKSOI-dan bastaımyn dedi. Búgin biz mereıtoılyq sharalardyń tusaýyn kesip otyrmyz. Aldaǵy ýaqytta Qyrǵyzstanda, túrki memleketterinde bolady. Qazaqstanda ótedi. Muhtar Shahanov – qazaq pen qyrǵyzdyń emes, búkil túrkiniń rýhy, qaınar bulaǵy»,- deıdi TÚRKSOI uıymynyń bas hatshysy Sultanbek Raev.
Anadoly jurty Muhtar Shahanovty Maǵjan Jumabaevqa teńeıdi. Aqynnyń ustanymy kúlli túrki úshin ortaq, – deıdi Túrkıa prezıdentiniń bas keńesshisi.
«Muhtar Shahanov qazaqtyń zıalysy. Shyǵarmalarynyń mazmuny myqty. Qazaqtan shyqqan zıaly, búkil túrki halyqtary úshin qundy. Onyń pikirleri túrki álemi úshin mańyzdy. Tipti bútkil adamzat úshin»,-deıdi Túrkıa prezıdentiniń bas keńesshisi Ialchyn Topchý.
Túrki jurty úshin Muhtar Shahanov pen Shyńǵys Aıtmatov – egiz uǵym. Sondyqtan qyrǵyz halqynyń aqynǵa degen yqylasy erekshe.