Keshe keshki altydan asa Túrkıanyń Tokat aımaǵyna qarasty Sýlysaraı aýdanynda qýaty 5,6 baldyq jer silkinisi boldy.
Zilzaladan kóptegen ǵımarattar búlinip, aýyldyq jerlerdegi úıler qıraǵan. Degenmen jaraqat alǵan nemese qaıtys bolǵandar joq, dep habarlaıdy almaty-akshamy.kz.
Turǵyndar jer terbelisi sezilisimen kóshege qashyp shyǵyp, alańdar men saıabaqtarǵa jınaldy. Jer silkinisinen kóp adam qatty úreılenip, keıbiri talyp ta qalǵan. Dárigerler olarǵa medısınalyq jáne psıhologıalyq kómek kórsetti. Mamandar qaýipsizdik maqsatynda adamdarǵa bir túndi dalada qurylǵan shatyrlarda ótkizýge keńes berdi. Jer dúmpýiniń áseri kórshiles jatqan oblystarǵa da sezilgen. Qazir tótenshe jaǵdaılar basqarmasynyń mamandary qulaǵan jáne zaqym kelgen ǵımarattardy naqtylap jatyr.
Nuǵyman Hatıpoǵly, Tokat oblysynyń ákimi:
Adamdardyń jatyn oryny men ystyq tamaǵyn memleket tarapynan daıyndap berdik. Sondaı-aq, barlyq mektepter men joǵary oqý oryndarynda oqýshylarǵa bir kúndik demalys berildi. Qazir Tótenshe jaǵdaılar basqarmasynyń mamandary turǵyn úılerdi tekserip turýǵa jaramsyzdaryn anyqtap jatyr.