Osyǵan oraı Almatyda Mustafa Atatúrikti eske alý, jastar jáne sport kúni atap ótildi
úgin, 19 mamyr – Túrkıada Atatúrikti eske alý, jastar jáne sport kúni. Bul kún Túrkıanyń azattyǵy úshin bolǵan soǵystyń resmı bastalǵan kúni bolyp sanalady. 1919 jyly 19 mamyrda Túrkıa táýelsizdigi úshin kúresken ulttyq qozǵalystyń kóshbasshysy Mustafa Kemal Atatúrik Samsýnǵa kelip, sheteldik ıntervensıaǵa qarsy mobılızasıa jarıalady. Ol kezde Túrkıa men Grekıa arasynda soǵys bolyp jatqan edi. Osydan 105 jyl buryn «Ne táýelsizdik, ne ólim!» degen uranmen júrgizilgen túrik ultazattyq soǵysynyń bastalǵan kúni retinde tarıhqa endi. Jyl saıyn 19 mamyr kúni Túrkıada ǵana emes, álemniń túkpir-túkpirinde turatyn túrikter sporttyq jáne merekelik is-sharalar ótkizip, ulttyq mereke retinde atap ótedi.
Túrik kósemi Mustafa Atatúrik táýelsizdik pen aǵartýshylyq alaýyn jaqqan bul kúndi «Jastar jáne sport merekesi kúni» retinde túrik jastaryna syıǵa tartyp ketti.
Respýblıka saraıyndaǵy merekelik is-sharada № 1 Talǵar mektep-ınternatynyń oqýshylary, Túrkıanyń Stambýl qalasyndaǵy Aıdyn Doǵan atyndaǵy Anadoly kásiptik lıseıiniń oqýshylary óner kórsetti. Shara barysynda balalar bı bılep, patrıottyq óleńder oqydy. Ulttyq merekege oraı kórme uıymdastyrdy. 
Aıta ketetin jáıt, Túrkıa Respýblıkasynda Mustafa Kemal Atatúriktiń «Ult bolashaǵy balalyq shaqta qalanady» degen sózi keńinen tanymal.
“Azattyq úshin soǵysqan qaharmandar Ǵazı Mustafa Kemal Atatúrikti jáne ózge de sheıitterimizdi qurmetpen, súıispenshilikpen eske alamyz. Bizdiń jastar óz elin qazirgi órkenıet deńgeıinen joǵary, uly memleket retinde dáripteıdi.
1919 jyly 19 mamyrda uly kósemimiz Mustafa Kemaldyń túrik ultyna senim artyp, Samsýn qalasynda bostandyq pen táýelsizdik úshin qasıetti kúresti bastaǵanyna 105 jyl toldy.
Osy turǵyda biz ata-babalarymyzdyń otany – Qazaqstandaǵy is-sharamyzǵa qatysyp, atsalysqan baýyrlarymyzǵa alǵysymyzdy bildiremiz",-dedi Abaı atyndaǵy Qazaq ulttyq pedagogıkalyq ýnıversıtetiniń qonaq oqytýshysy Reıhan Gókben SALÝK.
Taqyrypqa oraı
Evren Múderrısoglý, Túrkıa Respýblıkasynyń Almatydaǵy Bas konsýly:
Osydan týra 105 jyl buryn Túrkıa tarıhynda eń mańyzdy oqıǵalardyń biri boldy. Bul erekshe data, árıne. 19 mamyr –Táýelsizdik soǵysynyń bastalǵan kúni.
Osyndaı óte mańyzdy kúnde Almatyǵa Túrkıadan ata-anam men qaryndasym keldi. Túrik halqy eliniń tarıhyn eske alýda. Elimizdiń táýelsizdigi úshin kúrestiń bastalǵanyna 105 jyl tolýyna oraı kórme uıymdastyryldy. Onda bastalǵanyna ǵasyrdan astam ýaqyt bolǵan tarıhı kúreske qatysty qujattar men sýretter qoıyldy.
Táýelsizdik úshin ulttyq qozǵalystyń negizin jastar quraǵandyqtan, atamyz Atatúrik jastarǵa únemi senim artty. Sondyqtan Uly kóshbasshy atamyz Atatúrik túrik jastaryna amanat etken bolashaqty qurýda berik yntymaqtastyqta bolýymyz kerek.