Iran Prezıdentiniń qazasyna baılanysty Túrkıada da aza tutý kúni jarıalandy.
El Prezıdenti Rejep Taıyp Erdoǵan úkimet otyrysynda kórshiles Iran halqynyń qaıǵysyn bólisý úshin bir kúndik ulttyq aza tutý jarıalanatynyn aıtty, dep habarlaıdy Almaty-akshamy.kz.
Iaǵnı búgin Túrkıa aýmaǵynda memlekettik týlar tómen túsiriledi. Prezıdent Ibrahım Raısı men úkimet músheleri mingen tikushaqpen baılanys úzilgen soń, Iran bıligi Túrkıadan izdeý-qutqarý jumystary úshin kómek suraǵan edi. Oqıǵa bolǵan aımaqqa ushyp shyqqan túriktiń «Baıraktar Akynjy» ushqyshsyz apparaty jeti jarym saǵat áýede júrip apat ornyn alǵash bolyp anyqtady,-dep habarlaıdy Qazaqstan Telearnasy.
"Iran bizdiń shekaralas kórshimiz, al Iran halqy baýyrymyz. Ǵasyrlar boıy bir óńirde beıbit, tatý-tátti turyp kelemiz. Biz Palestına máselesindegi Irannyń batyl qadamdaryn baǵalaımyz. Astana prosesi bastalǵaly óńirdegi máselelerdi sheshý úshin de Iranmen tyǵyz baılanystamyz. Iranǵa salynǵan birjaqty embargolarǵa qatyspaı, kórshilik haqymyzdy saqtap kelemiz",-dedi Túrkıa prezıdenti Rejep Taıyp Erdoǵan.