Túrkıada birqatar eldermen áýe baılanysy toqtatyldy
Túrkıa búginnen bastap Brazılıa, Ońtústik Afrıka, Nepal jáne Shrı- Lankamen aradaǵy áýe qatynasyn toqtatty, dep habarlaıdy Almaty-akshamy.kz 24.kz-ke silteme jasap
Sebep – koronavırýstyń syrttan keletin jańa túrlerinen qorǵaný. Al mundaǵy meshitterde saqtyq erejeleri bir jarym jyldan beri endi ǵana jeńildetildi. Budan bylaı namaz oqyǵanda ara qashyqtyq saqtaýdyń qajeti joq. Bul týraly eldegi Din isteri basqarmasy málimdedi.
Alaıda betperde kıý shart. Túrkıada qazirge deıin 108 mıllıon doza ekpe salynǵan. 18 jastan asqan turǵyndardyń 80 prosenti vaksına aldy. Munda covid-19-ǵa qarsy Pfizer / BioNTech men qytaılyq Sinovac perparaty qoldanylady. Túrkıalyq dáriger Iftıhar Kóksaldyń aıtýynsha, ekpe saldyrmaýdyń kesiri ujymdyq ımýnıtetti qalyptastyrýǵa kedergi bolyp tur. Al qaýipti indetke ujymdyq ımýnıtet qalyptastyrý úshin jalpy halyqtyń 80 prosenti vaksına saldyrýy tıis.