Jobanyń quny - 12 mıllıon AQSH dollary.
Buǵan qosa eń úlken jylyjaı keshenin salady, dep habarlaıdy Almaty-akshamy.kz
Shymkent qalasy ákimdiginiń baspasóz qyzmeti taratqan málimetke qaraǵanda, bul jobalardy júzege asyrý barysynda 5 myńnan astam jumys orny ashylady.
Qala ákiminiń orynbasary Aıdyn Kárimov eki sheteldik kompanıamen jalpy somasy 662 mln dollar bolatyn memorandýmǵa qol qoıdy.
"Túrkıanyń iri kompanıasy "Alarko Holding" qala aýmaǵynda jańa formattaǵy jylyjaı keshenin salady. 650 mln dollarǵa júzege asyrylatyn ınvestısıalyq joba kezeń-kezeńmen jalpy 500 ga aýmaqta 5 myń jańa jumys ornyn quryp, jańa tehnologıalardy engizý arqyly azyq-túlik qaýipsizdigi men jylyjaı bıznesin damytýǵa yqpal etedi", - dep jazylǵan habarlamada.
Ekinshi memorandým boıynsha "IŞIKLAR PACKAGING Ltd." kompanıasy "kraft-roll" qaǵazyn shyǵaratyn zaýyt salady. Jobanyń quny 12 mıllıon AQSH dollaryn quraıdy.
Eki joba da turaqty óńirlik ósýge, ınvestısıalar tartyp, qala ekonomıkasynyń damýyna jáne halyqaralyq yntymaqtastyqty nyǵaıtýǵa yqpal etedi.