Tıisti qujatqa bes eldiń ókilderi Túrkıada qol qoıdy.
Alánstyń quramyna Qazaqstannan «Qazcontent», Túrkıadan «Anadoly», Ázerbaıjannan Azertac (Ázertaj), Qyrǵyzstannan KABAR, Ózbekstannan UZA halyqaralyq aqparat agenttikteri kiredi, dep habarlaıdy Almaty-akshamy.kz.
Budan bylaı túrkitildes memleketter arasynda aqparat almasý, jalǵan jańalyqtarǵa qarsy birlese kúresý jáne ózara tájirıbe almasý jeńildeıdi. Budan bólek «Buqaralyq aqparat quraldaryndaǵy birlik jáne bolashaqqa kózqaras» taqyrybynda ótken Túrki memleketteri aqparattyq agenttikteriniń medıa-forýmynda sıfrlyq quraldardy tıimdi qoldaný jáne birlesken jobalardy júzege asyrý jaıy da talqylandy.
«Baýyrlas elderdiń aqparat agenttikteriniń qatysýymen ótken samıt osy salada birlesip ne isteýge bolatynyn kórsetetin betburystyń bastaýy dep úmittenemiz. Túrki aqparat agenttikteri odaǵynyń qurylýy «Túrki álemi 2040 strategıasyna» úlken úles qosady dep oılaımyn. Búginde komýnıkasıa, medıa jáne aqparat salalarynda qýatty bolý - tańdaý emes, mindet», - dedi Túrkıa prezıdenti janyndaǵy komýnıkasıa basqarmasynyń basshysy Fahrettın Altýn.
«Túrki elderi uıymynyń mereıtoıly 10- shy samıti ótti. Sol jerde memleket basshylary, Qazaqstan prezıdenti de yqpaldastyqty baılanysty kúsheıtý jóninde kóp máseleler aıtyldy. Búgingi myna aláns qurylyp jatqany sol memleket basshylary bastaǵan sonyń biri aıqyn dáleli dep esepteımin. Qolǵa alynyp, is júzinde bastalyp jatqan sharýanyń bir bóligi», - deıdi «Qazcontent» memlekettik aqparattyq agenttiginiń basqarma tóraǵasy Bekzat Júsip.