Kelesi otyrys Qyrǵyzstanda ótedi
Túrki memleketteri uıymynyń Aqsaqaldar keńesiniń jańartylǵan quramyndaǵy úshkúndik otyrysyna Qazaqstan Respýblıkasynyń ókili Ikram Adyrbekov qatysty, dep habarlaıdy Almaty-akshamy.kz SİM baspasóz qyzmetine silteme jasap.
Kezdesý 2021 jylǵy 11 qarashada Túrkitildes memleketterdiń yntymaqtastyq keńesiniń Syrtqy ister mınıstrleri keńesinde qabyldanǵan Aqsaqaldar keńesiniń jańa erejelerine sáıkes alǵash ret ótkizilip otyr.
I. Adyrbekov 2022 jylǵy qańtar aıynyń basynda elimizde oryn alǵan qaıǵyly oqıǵalarǵa qatysty TMU Aqsaqaldar keńesiniń bildirgen kóńili men baýyrlas túrki memleketteriniń Prezıdent Qasym-Jomart Toqaevtyń eldegi turaqtylyqty jáne konstıtýsıalyq tártipti buzýǵa umtylǵan ekstremısttik, qylmystyq jáne terrorshyl toptarǵa qarsy sheshimderi men is-áreketterin qoldaǵandary úshin rızashylyǵyn bildirdi.
Qazaqstan ókili Túrki keńesiniń 8-shi Samıtinde qabyldanǵan «Túrki áleminiń keleshegi – 2040» tujyrymdamalyq qujaty men Túrki memleketteri uıymy ataýyna baılanysty sheshimderdiń mańyzdylyǵyn atap ótip, Túrikmenstannyń Uıymǵa baqylaýshy mártebesin alýy da túrki memleketteriniń yntymaqtastyǵyn nyǵaıtý jolyndaǵy mańyzdy qadamdar ekenine toqtaldy.
I. Adyrbekov Prezıdent Q. Toqaevtyń 2021 jylǵy 12 qarashada Ystanbulda ótken Samıttiń sheshimine sáıkes qurylýy josparlanyp otyrǵan Túrki ınvestısıalyq qorynyń shtab-páterin «Astana» halyqaralyq qarjy ortalyǵynyń (AHQO) alańynda ornalastyrý týraly usynysyn qoldaýǵa shaqyrdy. Onyń aıtýynsha, AHQO alańy – bul halyqaralyq deńgeıdegi qarjy ınstıtýttarynyń úzdik tájirıbesin, biregeı tehnıkalyq saraptamasyn, ınfraqurylymy men qyzmet tájirıbesin biriktiretin jańa qarjylyq ekojúıege naqty negiz bola alady.
Qazaqstan ókili Aqsaqaldar keńesiniń múshelerin saýda men ınvestısıa úshin qolaıly jaǵdaılar jasaýǵa, taýarlardyń, kapıtaldardyń, qyzmetter men tehnologıalardyń erkin qozǵalysy úshin kedendik jáne tranzıttik rásimderdi, qarjylyq jáne banktik operasıalardy ońaılatýǵa múmkindik beretin Qazaqstannyń taǵy bir mańyzdy bastamasy Túrkistan qalasynda «TURAN» Arnaıy ekonomıkalyq aımaǵyn qurý týraly usynysymen tanystyryp, taraptardy atalǵan jumysqa belsendi qatysýǵa shaqyrdy.
Otyrys jumysy sheńberinde aqsaqaldar TMU Syrtqy ister mınıstrleri keńesi men Memleket basshylary keńesiniń otyrystaryna TMU júıesi men qyzmetin kemeldendirý boıynsha basqa da usynystaryn tıisti hattamamen bekitti.
Otyrys qorytyndysymen TMU aqsaqaldary Túrkıa Prezıdenti Redjep Taıyp Erdoǵanmen kezdesý ótkizip, Keńes otyrysyn joǵary deńgeıde uıymdastyrýdaǵy úlesi úshin túrik tarapyna alǵystaryn bildirdi.
Aqsaqaldar Keńesiniń kezekti otyrysyn 2022 jyldyń shilde aıynda Qyrǵyzstanda ótkizý josparlanýda.