2025 jylǵy 7 qazanda Túrki mádenıeti jáne murasy qorynyń prezıdenti Aqtoty Raıymqulova Gabala qalasynda (Ázerbaıjan) ótken Túrki memleketteri uıymy (TMU) Syrtqy ister mınıstrleri keńesiniń XII otyrysynda sóz sóıledi.
Otyrysta Ázerbaıjan Respýblıkasynyń Syrtqy ister mınıstri Djeıhýn Baıramov, Qazaqstan Respýblıkasynyń Syrtqy ister mınıstri Ermek Kósherbaev, Qyrǵyz Respýblıkasynyń Syrtqy ister mınıstri Jeenbek Kýlýbaev, Túrkıa Respýblıkasynyń Syrtqy ister mınıstri Hakan Fıdan, Ózbekstan Respýblıkasynyń Syrtqy ister mınıstri Bahtıór Saıdov, Vengrıanyń Syrtqy ister jáne syrtqy saýda mınıstri Peter Sıııarto, Túrki memleketteri uıymynyń Bas hatshysy Kýbanychbek Omýralıev, sondaı-aq úkimet ókilderi men halyqaralyq uıymdardyń jetekshileri qatysty.
İs-sharada sóz sóılegen Túrki mádenıeti jáne murasy qorynyń prezıdenti Aqtoty Raıymqulova Ázerbaıjan tarapyna jyly qabyldaý men Samıtti joǵary deńgeıde uıymdastyrǵany úshin rızashylyǵyn bildirdi. Ol óz sózinde beıbitshilik pen qaýipsizdik taqyrybynyń memleketter arasyndaǵy yntymaqtastyqty nyǵaıtý jáne mádenı murany keleshek urpaqqa saqtaý turǵysynan erekshe mańyzǵa ıe ekenin atap ótti.
Óz sózin jalǵastyra otyryp, Aqtoty Raıymqulova Túrki mádenıeti jáne murasy qorynyń bıylǵy jyly atqarǵan jumystary jóninde esep berdi:
«2025 jyly biz restavrasıa, mýzeılendirý, sıfrlandyrý jáne tájirıbe almasýbaǵdarlamalaryn qamtıtyn 65 jobany júzegeasyrdyq. Barlyq bastamalarymyzda bizıntegrasıaǵa, yntymaqtastyqqa jáne birlikkebasymdyq beremiz. Túrki áleminiń keleshegi — 2040» qujaty menAstana samıtiniń Deklarasıasyna sáıkes bizalǵashqy kóptildi Túrki áleminiń mádenı murasyKatalogyn basyp shyǵardyq. Bul basylymbolashaqta «Turkic Heritage» («Túrki murasy») Sıfrlyq platformasyn qurýdyń negizi bolmaq. Sonymen qatar, Ózbekstan RespýblıkasynyńPrezıdenti, Joǵary mártebeli ShavkatMırzıóevtiń bastamasymen jáne Túrkimemleketteriniń basshylarynyń qoldaýymen bizkóptomdyq, kóptildi Túrki halyqtarynyńfólklorlyq murasynyń Antologıasyn júzege asyrdyq. Biz sondaı-aq Parıjdegi IýNESKO shtab-páterinde«Dıýan luǵat át-Túrk» eńbeginiń 950 jyldyǵyna arnalǵan halyqaralyq konferensıany uıymdastyrdyq",- dedi ol.
Qorymyz «Túrki áleminiń keleshegi — 2040» jáne«TURKTIME» qujattaryna súıene otyryp, IýNESKO, ISESKO jáne túrki yntymaqtastyǵy uıymdarymen seriktestik baılanystardynyǵaıtýdy jalǵastyrýda.»
Aqtoty Raıymqulovanyń aıtýynsha, bıyl mamyr aıynda Býdapesht qalasynda ótken beıresmı samıt barysynda Ózbekstannyń Túrki mádenıeti jáne murasy qorynyń tolyqqandy múshesi retinde qabyldanýy týraly tarıhı sheshim qabyldanǵan. Bul oqıǵa túrki otbasynyń yntymaǵyn odan ári arttyra tústi.
Qor basshysy sondaı-aq Túrikmenstannyń baqylaýshy retinde qosylýǵa degen nıeti mańyzdy qadam ekenin atap ótip, jaqyn bolashaqta bul eldiń de túrki otbasynyń tolyqqandy múshesine aınalatynyna úmit bildirdi.
Túrki mádenıeti jáne murasy qorynyń prezıdenti óz sózin túrki memleketteri arasyndaǵy mádenı yntymaqtastyq pen birlikti odan ári nyǵaıtýǵa shaqyrýmen aıaqtady.