Qarjy monıtorıngí agenttígí tóraǵasynyń orynbasary Qaırat Bıjanov bank kartasyn 500 myń teńgeden asatyn somaǵa toltyrǵanda jíberushíníń JSN-ín engízu talaby qosylatynyn málímdedí, - dep habarlaıdy Aqshamnews.kz tílshísí.
Būl shara bankomattar arqyly qolma-qol aqsha shyǵaru shemalaryn tejeuge baǵyttalǵan.
Bıjanovtyń aıtuynsha, bankomattardy zańsyz aqsha sheshuge paıdalanu álí de ózektí. Jíberushí men alushyny tolyq sáıkestendírudíń bolmauy anonım operatsıyalarǵa jol beríp otyr.
Agenttík ūsynǵan negízgí sharalar:
-
500 myń teńgeden kóp aqsha toltyruda jíberushíníń JSN-ín engízu (būǵan deıín tek alushynyń JSN-í talap etíletín);
-
Operatsıyalardy mobıldí qosymsha nemese SMS arqyly qosymsha rastau;
-
2026 jylǵy 1 qańtardan bastap bankomattardyń beınejazbalaryn kemínde 180 kún saqtau (kúdíktí operatsıya qatysushylaryn anyqtau úshín);
-
Mūndaı operatsıyalarda bıometrıya (bet-álpettí/sausaq ízín tanu) qoldanu múmkíndígí.
Onyń sózínshe, būl sheshímder 2025 jylǵy 18 shíldede komplaens-qyzmetter keńesínde retteushímen kelísílgen. Premer-mınıstr Oljas Bektenov barlyq ūsynysty qoldaıtynyn aıtty.
Aıta keteıík, būǵan deıín Qazaqstanda bank kartasyn basqa bíreuge beru úshín qylmystyq jauapkershílík qarastyrylatyny habarlanǵan.