2025 jylǵy 14–16 mamyr kúnderi Qazaqstannyń Túrkistan qalasynda « Zaman men mádenıetter dıalogynda Iasaýı murasy: gýmanısik baǵyt-baǵdar men zamanaýı syn-qaterler» taqyrybynda Halyqaralyq sımpozıým ótti. Atalǵan sharaǵa Túrki mádenıeti jáne murasy qorynyń prezıdenti Aqtoty Raıymqulova qatysty.
Sımpozıýmnyń ashylýynda sóz sóılegen Aqtoty Raıymqulova Túrkistannyń Túrki áleminiń rýhanı astanasy retindegi mańyzyna erekshe toqtalyp, uly oıshyl Qoja Ahmet Iasaýıdiń ilimi qazirgi zamanda da adamzat úshin mańyzdy moraldyq baǵdar bolyp qala beretinin atap ótti. Ol Túrki mádenıeti jáne murasy qory júzege asyryp jatqan negizgi bastamalarmen tanystyrdy. Olardyń qatarynda – tarıhı eskertkishterdi qalpyna keltirý jobalary, TurkicHeritage halyqaralyq sıfrlyq platformasy men kóptildi katalogty ázirleý, Túrki memleketteri men shetelderdegi jetekshi ýnıversıtetter janynan Túrki mádenıeti ortalyqtaryn ashý, sondaı-aq túrki epostary men dástúrli qolóner úlgilerin IýNESKO tizimine usyný sıaqty bastamalar bar.
Óz sózinde Qor basshysy Qoja Ahmet Iasaýıdiń «Dıýanı hıkmet» shyǵarmasyn ázerbaıjan tiline aýdarý jumysyna da arnaıy toqtalyp ótti. Bul bastama – Iasaýı murasyn túrki halyqtary arasynda keńinen taratýǵa baǵyttalǵan mańyzdy qadam retinde baǵalandy.
Sımpozıým Iasaýı murasyn gýmanısik kózqaras turǵysynan zerdeleý arqyly zamanaýı syn-qaterlerdi talqylaýǵa arnalǵan mańyzdy ǵylymı-rýhanı alańǵa aınaldy.
Aıta keteıik, sımpozıýmnyń ashylý saltanatynda quttyqtaý sóz sóılegender qatarynda Qazaqstan Respýblıkasynyń Memlekettik keńesshisi Erlan Qarın, QR Mádenıet jáne aqparat mınıstri Aıda Balaeva, Túrkistan oblysynyń ákimi Nuralhan Kósherov, QR Ǵylym jáne joǵary bilim mınıstri (plenarlyq otyrystyń moderatory) Saıasat Nurbek, Indıana ýnıversıtetiniń profesory (AQSH) Devın De Ýıs jáne Ankara ýnıversıtetiniń profesory (Túrkıa) Alı Rafet Ozkan boldy.
Plenarlyq otyrys pen seksıalyq sesıalar aıasynda Ázerbaıjan, Qazaqstan, Qyrǵyzstan, Túrkıa, Ózbekstan, Túrikmenstan, Tájikstan, Iran, Japonıa, Germanıa, Úndistan, Reseı, Italıa, Qytaı jáne AQSH-tyń jetekshi zertteýshileri men sarapshylary ǵylymı baıandamalar jasap, tájirıbe almasty.