Premer-Mınıstr Oljas Bektenovtiń tóraǵalyǵymen ótken Úkimet otyrysynda týrızm salasyn sıfrlandyrý jáne damytý jónindegi sharalar qaraldy.
Memleket basshysynyń Almatyny zamanaýı týrısik jáne mádenı ortalyqqa aınaldyrý jónindegi tapsyrmalaryn oryndaýǵa erekshe nazar aýdaryldy, dep habarlaıdy aqshamnews.kz.
Qala ákimi Erbolat Dosaev óz sózinde qalanyń týrısik servısteriniń sıfrlyq platformasynyń ózegine aınalatyn SuperApp mobıldi qosymshasyn qurýdy usyndy.
«Bul turǵyndarǵa da, týrıserge de yńǵaılylyqty qamtamasyz ete otyryp, barlyq qalalyq qyzmetterge qol jetkizý úshin negizgi sıfrlyq platforma bolady», — dep atap ótti Erbolat Dosaev.Ol SuperApp-tyń basym baǵyttarynyń biri – týrısik modýldi damytyp, barlyq negizgi servısterdi biryńǵaı sıfrlyq ekosıstemaǵa biriktiretinin atap ótti. Paıdalanýshylarǵa mádenı jáne sporttyq is-sharalarǵa bılet satyp alý, sıfrlanǵan joldar men týrısik baǵyttar boıynsha marshrýttardy zerttep, josparlaý, Almaty boıynsha týrlar men ekskýrsıalardy brondaý, qalanyń kórnekti jerlerimen VR-serýen jasaý sıaqty fýnksıalar qarastyrylǵan. 2025 jyldyń 1 shildesine deıin qosymshaǵa 113 mádenı jáne sporttyq nysandardy biriktirý josparlanýda, bul demalysty josparlaýǵa qol jetimdi jáne yńǵaıly etedi.