Aqmola oblysyndaǵy biregeı kóldi qorǵaý maqsatynda reıd uıymdastyrylady. Óıtkeni týrıser Kóbeıtuzdan qyzǵylt tuzdy jappaı qazyp áketip jatyr. Demalýshylardyń bul áreketi áleýmettik jelige taraǵan, - dep habarlaıdy Aqshamnews.kz tilshisi.
Vıdeoda er adamdar tuzdy qazyp alyp, túrli ydysqa salyp jatyr. Adamdar munda tipti arnaıy kúrekpen, qappen kelgen. Eske salaıyq, keıingi ret bes jyl buryn koronavırýs karantıni kezinde kóldiń tuzyn emdeý maqsatynda qoldaný úshin kelýshiler ózimen alyp ketken edi.
Sol kezde 35 jeke tulǵa ákimshilik jaýapqa tartylyp, aıyppul salynǵan. Bul joly polısıa departamenti isti ekologıa mınıstrligine joldanǵan. Alaıda vedomstvo ókilderi quqyqbuzýshylyqtyń"naqty málimeti joq" dep, qujatty tártip saqshylaryna keri qaıtarǵan.
"Ekologıa departamentiniń jedel tergeý ókilettikteriniń bolmaýyna jáne quqyqbuzýshylarǵa qatysty naqty málimettiń joq ekenine baılanysty bul materıaldar 1- tamyzda keri qaıtaryldy. Sondaı-aq 1-2 tamyzda Ereımentaý ákimdigi halyqty aqparattandyrýǵa, quqyqbuzýshylyqtyń aldyn alýǵa jáne azamattardyń quqyq sanasyn arttyrýǵa baǵyttalǵan kezekti reıd ótkiziledi", - dedi Ekologıa mınıstrliginiń baspasóz qyzmeti ókilderi.