Turǵyn úı-kommýnaldyq ınfraqurylymyn jańartý máselesi qala ákiminiń Áýezov aýdany turǵyndarymen ótken kezdesýinde kóterildi.
Bul másele de ákimdiktiń basty nazarynda. «Nurly jer» turǵyn úı-kommýnaldyq sharýashylyqty damytý baǵdarlamasy aıasynda 2022 jyldyń basynan bastap, 8 úıdiń jalpy paıdalanymdaǵy oryndary jóndeldi jáne 97 úıdiń 190 lıftisi aýystyryldy, dep habarlaıdy Almaty-akshamy.kz.
Qala basshysynyń aıtýynsha, bıylǵy jyldyń sońyna deıin 8 úıdegi 12 lıftini qosymsha aýystyrýdy jáne 32 úıdegi jalpy paıdalaný oryndaryn jóndeý josparlanyp otyr.
«Sonymen qatar, Saın kóshesindegi №4 úı turǵyndarynyń ótinishi boıynsha men №4, №4/1 jáne №4/2 úılerdiń jumsaq shatyryn qalpyna keltirýdi tapsyrdym. Shatyrlardy kepildik mindettemeler sheńberinde merdiger uıym qalpyna keltirdi», - dedi qala basshysy Erbolat Dosaev.