Azyq-túlik kelisimshart korporasıasy kúnbaǵys tuqymyn satyp alýdyń úsh jaqty forvardtyq baǵdarlamasy boıynsha kúnbaǵys maıynyń kezekti partıasyn jetkizdi. Qaraǵandy oblysyndaǵy «Saryarqa» áleýmettik-kásipkerlik korporasıasynyń turaqtandyrý qoryna 20,8 myń lıtr kólemindegi daıyn ónim jóneltildi.
Jalpy alǵanda, ulttyq operator «Kokshe», «Baıqońyr» jáne «Saryarqa» ÁKK-men bekitilgen baǵa boıynsha 83,2 myń lıtr kúnbaǵys maıyn jetkizýge úsh kelisimshart jasasty.
Daıyn ónim kóleminiń bir saýda jelileri arqyly bólshek saýdaǵa jiberildi, al ÁKK kúnbaǵys maıynyń qalǵan kólemin aýylsharýashylyq jármeńkelerinde satý josparlanyp otyr. Mundaǵy basty maqsat óńirler turǵyndary úshin áleýmettik mańyzy bar ónimniń qoljetimdiligin qamtamasyz etý bolyp tabylady.
«Kókshe» ÁKK» AQ azyq-túlikpen qamtamasyz etý jáne saýda departamentiniń dırektory Alma Ábdirahmanovanyń aıtýynsha, kúnbaǵysty forvardtyq satyp alý baǵdarlamasy aýyl sharýashylyǵy taýaryn óndirýshiler men qaıta óńdeý kásiporyndaryna naqty qoldaý kórsetedi.
«Daıyn ónim Kókshetaý qalasynyń 20 dúkenine jetkizildi, onyń ishinde bizben kelisim-shart jasasqan «Nızkosen» jáne «Soıýz» saýda jelileri bar. Sonymen qatar, ÁKK eki oblystyq jármeńkege qatysyp, onda shamamen 3,5 myń lıtr kúnbaǵys maıy satyldy. Belgilengen áleýmettik baǵa ár apta saıyn turǵyndardyń suranysyn qamtamasyz etip, bizge ótinimder apta saıyn túsip jatty. Nátıjesinde biz q óńir turǵyndaryn qoljetimdi baǵadaǵy joǵary sapaly maımen qamtamasyz ete aldyq», - dedi ol.
Qyzylorda oblysyndaǵy azyq-túlik turaqtylyǵyn qamtamasyz etýmen «Baıqońyr» ÁKK aınalysady, ol turaqtandyrý qoryn qalyptastyrý úshin Azyq-túlik kelisimshart korporasıasynan 20,8 myń lıtr kúnbaǵys maıyn satyp aldy.
«Daıyn ónimdi forvardtyq satyp alý baǵdarlamasyna qatysý biz úshin baǵanyń aýytqýyna jedel den qoıýǵa jáne halyqty áleýmettik mańyzy bar azyq-túlikpen qamtamasyz etýge múmkindik beredi. Búgingi tańda ÁKK qolda bar qoryn 37 áleýmettik dúken arqyly ótkizedi. Munda óńir turǵyndary kúnbaǵys maıy men basqa da azyq-túlik ónimderin qoljetimdi baǵamen satyp ala alady. Balǵyn maıdyń partıasyn jetkizýqajettiligine qaraı júzege asyrylatyn bolady. Biz Azyq-túlik kelisimshart korporasıasymen yntymaqtastyqty óńirdiń azyq-túlik qaýipsizdigin qamtamasyz etýge septigin tıgizetin strategıalyq turǵydan mańyzdy jáne keleshegi zor baǵyt retinde qarastyramyz», - dep atap ótti «Baıqońyr» ÁKK» AQ turaqtandyrý qorynmen jumys jónindegi basqarma basshysy Serikbaı Meırambek.
Eske salaıyq, 2024 jylǵy naýryz aıynda ulttyq astyq operatory kúnbaǵys ósirýge mamandanǵan sharýalardy aldyn ala tólem negizinde qarjylandyrǵan bolatyn. Astyqty jınaǵannan keıin aýylsharýashylyq taýar óndirýshileri shıkizatty «OskemenAgroProdukt» zaýytyna jiberip, ol kúnbaǵys maıynyń úsh partıasyn, sáıkesinshe, 41,6 myń lıtr, 20,8 myń lıtr jáne 20,8 myń lıtr maı óndirdi. Daıyn ónim Azyq-túlik kelisimshart korporasıasynyń ıeligine tústi.
Forvardtyq qarjylandyrý baǵdarlamasy fermerlerdi qoljetimdi qarjylyq resýrstarmen qamtamasyz etip qana qoımaıdy, sondaı aq aýyl sharýashylyǵy ónimderin ishki naryqqa kepildendirilgen jetkizýdi qamtamasyz etedi, qaıta óńdeýdi yntalandyrady, azyq-túlik taýarlarynyń qolaıly baǵasyn qalyptastyrýǵa yqpal etedi.