Qurǵaq túıe sútin óndiretin zaýyt iske qosyldy
Tuńǵysh Prezıdent kúnine oraı Almaty oblysynda birqatar mańyzdy is-sharalar ótti, mysaly, İle aýdanynda qýattylyǵy táýligine 30 tonna daıyn untaq bolatyn «Dáýlet-Beket» JSHS qurǵaq túıe sútin óndiretin zaýyt iske qosyldy.
Ónimder otandyq naryq pen qosa Reseı, Qytaı, Túrkıa, Germanıa jáne Fransıaǵa shyǵarylmaq. Aýdanda Memleket basshysynyń «halyq únine qulaq asatyn memleket» tujyrymdamasyn júzege asyrý aıasynda 22-shi aýyl ákimdigi «Open space»formatynda óz jumysyn bastady.
Al, Jambyl aýdanynyń Úńgirtas aýylynda aýyldyq mádenıet úıiniń saltanatty ashylýy ótti. Ǵımarattyń jalpy aýdany 698,5 sharshy metr. 200 oryndyq kórermen zaly bar. Taǵy bir qýanysh merekege oraı Kóksý aýdanynda 16 metrlik týtuǵyr ornatyldy. Tuńǵysh Prezıdent kúnine oraı Alakól aýdanynda 150 balaǵa arnalǵan balabaqsha ashyldy. Búgingi kúni aıdyndy ólkede mektepke deıingi bilimmen qamtamasyz etilý deńgeıi 99,6 paıyzǵa jetti.
Almaty oblys ákiminiń dástúrli «Kóshbasshy-2021» jastar syılyǵyn tabystaý mereke qarsańyndaǵy aıtýly jańalyqtyń biri boldy. Túrli salada kósh bastap jetistikke jetken, tyńnan túren salǵan Jetisýlyq jyl úzdikteri 20 nomınasıa boıynsha marapattalyp, aqshalaı syılyqqa ıe boldy.
Sondaı-aq, «Rýhanı jańǵyrý» baǵdarlamasy aıasynda Taldyqorǵanda Qazaq jáne orys tilderine aýdarylǵan Aǵylshyn avtorlarynyń brıtandyq Tomas pen Lúsı Atkınsonnyń Qazaqstanǵa saıahaty jáne Uly Dala tarıhyn túrli kezeńderde zerttegenderdiń zertteýleri men shytyrman oqıǵalary týraly eki kitaptyń tusaýy kesildi. İs-sharaǵa onlaın-baılanys rejıminde QR Ulybrıtanıa jáne Soltústik Irlandıa Birikken Koróldigindegi Tótenshe jáne Ókiletti elshisi Erlan Ydyrysov qatysyp, Qazaqstan men onyń halqynyń tarıhyna qatysty eki kitaptyń aýdarmasyn basyp shyǵarǵanyn atap ótti.
Sondaı-aq, Eskeldi aýdanynda merekege oraı Almaty oblysynda qatarynan 24 ret Ulttyq sport túrlerinen «Sonar – 2021» respýblıkalyq týrnıri ótti. Bıylǵy jyly jarysqa respýblıkadan 11 komanda qatysty. 80-nen astam búrkitshi óz sheberlikterin kórsetti, olardyń arasynda halyqaralyq jáne respýblıkalyq jarystardyń birneshe dúrkin jeńimpazdary bar.
Óńirde merekege oraı 30 sporttyq-buqaralyq is-shara uıymdastyryldy. Jetisýdaǵy jaǵymdy jańalyqtar munymen shektelmeıdi. Táýelsizdiktiń 30 jyldyǵyna oraı óńirde birqatar iri ınfraqurylymdyq, ındýstrıalyq jáne áleýmettik-mádenı nysandar ashý josparlanýda.