1 jeltoqsan - ult tarıhynda jańa ózgerister bastaý alǵan erekshe kún
Almaty qalasy boıynsha Qylmystyq-atqarý júıesi departamentiniń jeke quramy Qazaqstan Respýblıkasynyń Tuńǵysh Prezıdenti kúnin saltanatty túrde atap ótti, dep habarlaıdy Almaty-akshamy.kz.
Saltanatty jıyndy ashqan departament bastyǵy, ádilet polkovnıgi D.Qanatbekov Qazaqstannyń Tuńǵysh Prezıdenti Nursultan Ábishuly Nazarbaevtyń qazaq eliniń búgingi qol jetkizgen jetistikterine qosqan úlesin, baǵa jetpes eńbegin atap ótti.
«1 jeltoqsan - ult tarıhynda jańa ózgerister bastaý alǵan erekshe kún. 1991 jyldyń 1 jeltoqsanynda búkilhalyqtyq saılaý nátıjesinde qazaq eliniń Tuńǵysh Prezıdenti saılanǵan bolatyn. Qazaq halqy óziniń Tuńǵysh Prezıdentiniń bastamasymen saıası jáne ekonomıkalyq reformalardy júzege asyrdy. Tuńǵysh Prezıdenttiń jankeshti eńbeginiń arqasynda respýblıkamyzdyń shekarasy naqtylanyp, Qazaqstannyń Qarýly kúshteri quryldy. Eldi rýhanı jańǵyrtý baǵytynda da qyrýar eńbek etti.
Mine, Elbasynyń memleket aldyndaǵy eńbegin nasıhattaý maqsatynda 1 jeltoqsan - Qazaqstan Respýblıkasynyń Tuńǵysh Prezıdenti kúni bolyp bekitildi.
Barlyqtaryńyzdy osy aıtýly merekemen quttyqtaı otyryp, memleketimizdiń jarqyn bolashaǵy jolyndaǵy eńbekterińizge tabys tileımin», - dedi ádilet polkovnıgi D.Qanatbekov.
Saltanatty jıynda 50-den astam qyzmetker marapattaldy. Olardyń ishinde LA-155/13 mekemesiniń baqylaýshysy Bıǵalı Seıdiǵaparovqa merziminen buryn ádilet aǵa serjanty arnaýly ataǵy berilse, Almaty qalasy probasıa qyzmetiniń bastyǵy, ádilet podpolkovnıgi M.Zakırbaev «Qylmystyq-atqarý júıesin damytýǵa qosqan úlesi úshin» medalimen jáne LA–155/6 mekemesiniń aǵa ınspektory, ádilet aǵa leıtenanty J. Shúkirov «Qylmystyq-atqarý júıesiniń úzdigi» tósbelgisimen marapattaldy. Sondaı-aq 19 qyzmetkerge QAJD atynan «Qazaqstan Respýblıkasynyń Táýelsizdigine 30 jyl» medali tabystaldy. Mereıli mereke kúni 35 qyzmetkerge departament bastyǵynyń atynan alǵys hat tapsyrylyp, alǵys jarıalandy.