Qańtardaǵy UBT-da 21 myńnan astam túlek shekti bal jınaı almady. Ortasha bal 76 baldy quraǵan.
Qańtardaǵy UBT-da 21 myńnan astam túlek shekti bal jınaı almady. Bul týraly «QR ǴJBM Ulttyq testileý ortalyǵynyń dırektory Rýslan Emelbaev Ortalyq komýnıkasıalar qyzmetinde ótken brıfıńte aıtty, dep habarlaıdy Almaty-akshamy.kz. Azattyq Ruhy-na silteme jasap.
«2023 jyly 123 myńǵa jýyq úmitker qańtardaǵy Ulttyq biryńǵaı testileý tapsyrdy. Túlekterdiń 77% – y qazaq tilinde, 23% - y orys tilinde, 91 adam aǵylshyn tilinde testileýden ótti. UBT bastalǵaly shekti baldy 83%-ǵa jýyq talapker jınap, 21 myńnan astamy (17%-y) shekti bal jınaı almady», - dedi Emelbaev.
Ol ataǵandaı, UBT ortasha baly 76 baldy qurady. Eń joǵary bal – 139.
«Test tapsyrmalarynyń sany – 120. Onyń ishinde Qazaqstan tarıhy 15-ten 20-ǵa aýysty, matematıkalyq saýattylyqtan – 15, oqý saýattylyǵynan – 20 jáne eki beıindik pánnen – 35. Eń joǵarǵy upaı sany – 140. Testileýdiń jalpy ýaqyty – 4 saǵat. Testilenýshilerdiń eń kóp tańdaǵan kombınasıasy - «Matematıka-Fızıka» (19%). Tapsyrýshylardyń 18%-y «Bıologıa-Hımıa» kombınasıasyn tańdasa, 10%-y shyǵarmashylyq emtıhandy tańdaǵan. IT baǵyttarǵa túsýge qajetti jańa «Matematıka-Informatıka» kombınasıasyn UBT-ǵa qatysýshylardyń 10%-y tapsyrǵan», - dedi Rýslan Emelbaev.