Zamanbek Nurqadilovtiń týǵanyna 80 jyl
Jıynǵa arnaıy kelgen Qazaqstan Respýblıkasy Prezıdentiniń keńesshisi – Prezıdenttiń Baspasóz hatshysy Berik Ýálı QR Prezıdentiniń hatyn oqyp berdi.
«Qurmetti qaýym! Bıyl belgili memleket jáne qoǵam qaıratkeri Zamanbek Nurqadilovtiń týǵanyna 80 jyl toldy.
Táýelsiz Qazaqstan tarıhynda el múddesi úshin aıanbaı eńbek etken azamattar az emes. Zamanbek Qalabaıuly - osyndaı tuǵyrly tulǵalardyń biri. Ol egemendiktiń alǵashqy kezeńinde kóptegen jaýapty qyzmetti abyroımen atqardy. Memlekettigimizdi nyǵaıtýǵa aıryqsha atsalysyp, óńirlerdi órkendetýge zor úles qosqany daýsyz. Ult perzentteriniń esimin el jadynda jańǵyrtyp, eńbegine laıyqty baǵa berý - urpaq paryzy. Osy oraıda. Zákeńniń týǵan jeri - Almaty oblysynyń Kegen aýdanynda oǵan eskertkish ornatý jáne Almatydaǵy turǵan úıinde eskertkish-taqta ashý qajet dep sanaımyn. «Tarıh - tarazy» dep beker aıtylmaǵan. Halqymyzdyń kesek tulǵaly azamatynyń elge sińirgen eńbegi eshqashan umytylmaıdy. Barshańyzǵa zor densaýlyq, baq-bereke tileımin! Elimiz aman, jurtymyz tynysh bolsyn!», - degen Memleket basshysynyń hatynda.
Jınalǵandar Zamanbek Nurqadilov týraly jyly estelikter aıtty.