Almaly aýdanyndaǵy №90 saılaý ýchaskesine alǵashqylardyń biri bolyp kelgen aýdan turǵyny Lúdmıla Kýzmenko búgin 83 jasqa tolyp otyr.
Taıaqpen júrse de saıası naýqanǵa qatysyp, óz tańdaýyn jasaǵan qart «daýys berý – el azamaty retinde basty mindetim, paryzym dep esepteımin. Meniń de daýysym mańyzdy» deıdi.
– Týǵan kúnimniń elimiz úshin asa mańyzdy qadam jasalar sátpen tuspa-tus kelgeni men úshin este qalarlyq oqıǵa bolyp tur. Daýys berý – el azamaty retinde meniń basty mindetim, paryzym. Meniń de daýysym mańyzdy. Durys tańdaý jasadym dep oılaımyn. Elimiz tynysh, balalarymyz aman, keleshegimiz jarqyn bolsyn! – deıdi týǵan kún ıesi.
Daýys berýshiniń qýanyshty sátin qalt jibermegen komısıa tóraǵasy Aqmaral Maǵjanqyzy týǵan kún ıesin quttyqtap, gúl shoqtaryn tabys etti.