Qazaqstanda atom elektr stansıasyn salý máselesi boıynsha referendýmǵa aqyn Farhat Tamendarov qatysty. Ol Almaty qalasynyń Medeý aýdanyndaǵy Nazarbaev Zıatkerlik mektebinde ornalasqan №622 saılaý ýchaskesinde daýys berdi.
«Búgin bizdiń elimizde referendým ótip jatyr, onda mańyzdy máselelerdiń biri – Qazaqstanda AES salý sheshilýde. Referendým ótkizý demokratıanyń mańyzdy quraly dep sanaımyn jáne árbir azamat óz ustanymyn bildirýge quqyly. Búgin men mańyzdy máselege beı - jaı qaramaıtyn qazaqstandyqtarmen birge sanaly jáne azamattyq boryshymdy kórsetip, óz tańdaýymdy jasadym», - dep atap ótti Farhat Tamendarov.
Esterińizge sala keteıik, búgin Qazaqstanda AES salý máselesi boıynsha respýblıkalyq referendým ótýde.
Almatyda barlyǵy 624 saılaý ýchaskesi jumys isteıdi, olar 20.00-ge deıin ashyq bolady.