Búgin Qazaqstanda AES salý máselesi boıynsha respýblıkalyq referendým ótýde. Almaty qalasynda 1,2 mıllıonnan astam turǵyn daýys berý quqyǵyna ıe.
Saılaýshylardyń arasynda belsendi Almatylyq jastar óz ýchaskelerine birlesip kelgen, óz tańdaýlaryn jasady. Keıbir stýdentter basqa saılaýshylarǵa kedergi keltirmeý úshin kezekke turyp, birinen soń biri daýys berdi. Olar azamattyq ustanymdaryn bildirý úshin kelgen, dep habarlaıdy aqshamnews.kz.
Olar úshin bul tek óz boryshtaryn oryndaý ǵana emes, eldiń bolashaǵyna tikeleı áser etý múmkindigi.
«Men úshin bul tek daýys berý emes, bul Qazaqstannyń bolashaǵy úshin jaýapkershilikti seziný. Men AES salý – elimiz úshin qajetti jáne óte mańyzdy qadam dep esepteımin», – dedi jastardyń biri.
Jastardyń pikirinshe, osyndaı sátterde árbir daýys mańyzdy ról atqarady.
«Biz, jas býyn, elimizdiń bolashaǵyna yqpal etkimiz keledi. Sondyqtan referendýmǵa kelip, óz pikirimizdi bildirý – bizdiń boryshymyz», – dep bólisti stýdentterdiń biri. Kópshiligi alǵash ret referendýmǵa qatysyp, bul olardyń ómirindegi erekshe tájirıbe bolyp, jaýapkershilik sezimin oıatqanyn atap ótti.