FIFA-nyń resmı saıtyndaǵy málimet boıynsha, FIFA 2026 jylǵy álem chempıonatynyń resmı dobyn tanystyryp, oǵan Trionda ataýyn berdi, dep habarlaıdy aqshamnews.kz.
Jańa doptyń dızaıny AQSH, Kanada jáne Meksıka elderiniń rámizderin biriktiredi. Tústeri de soǵan saı tańdalǵan: qyzyl – Kanada, jasyl – Meksıka, kók – AQSH. Betinde úıeńki japyraǵy, qyran qus pen juldyz beınelengen.
Trionda – tek úsh memlekettiń birligin ǵana emes, sonymen qatar zamanaýı tehnologıany da bildiredi. Doptyń ishine arnaıy chıp ornatylǵan. Ol 500 Gs jıilikte jumys istep, qozǵalys týraly naqty derekterdi naqty ýaqyt rejıminde beredi. Bul sheshim tóreshiler men VAR júıesiniń jumysyn jeńildetedi.
Jańa dop 2026 jyldyń maýsymynda bastalatyn fýtboldan álem chempıonatynyń barlyq machynda qoldanylatyn bolady.