Shekti bal 10 pýnktke kóterilip, endi keminde 70 bal bolýy tıis, dep habarlaıdy aqshamnews.kz
Memlekettik tapsyryspen oqýǵa túsý úshin talap 100 baldan tómen bolmaýy kerek. Shetel azamattary alǵash ret aǵylshyn tilin biletinin rastaıtyn sertıfıkat usynýǵa mindetteldi. Sonymen qatar ishki konkýrstar engizildi.
Bıyl bakalavrıat boıynsha 49 mamandyqqa 2700 grant bólindi, onyń 2536-sy ıgerildi. Qosymsha 131 grant konkýrs nátıjesinde qaıta úlestirildi. Kvota sheńberinde 20 grant shetel azamattaryna, 13 grant áleýmettik osal toptarǵa berildi.
Al aqyly negizde oqýǵa qabyldaý qysqaryp, 4973 stýdentpen shekteldi. Internatýraǵa bıyl 4356 stýdent jiberildi, onyń jartysyna jýyǵy jalpy tájirıbe dárigeri daıarlyǵyna baǵyttaldy. Rezıdentýraǵa jyl saıyn 2500 grant bólinedi. 2025 jyly alǵash ret pedıatrıa salasynda 14 jańa baǵyt ashylyp, 188 grant qarastyryldy.
Medısınalyq ǵylymdy damytý úshin magıstratýraǵa 325, PhD doktorantýrasyna 160 grant bólindi. Jańa talaptar bilikti mamandar qoryn qalyptastyryp, qazaqstandyq medısına kadrlarynyń básekege qabilettiligin arttyrýǵa baǵyttalyp otyr.