Qutqarýshylar jańa jyl túninde kúsheıtilgen rejımde jumys istedi.
Qazaqstannyń órt sóndirýshileri kesheden beri toqsanǵa jýyq órtti óshirdi, dep habarlaıdy aqshamnews.kz QR TJM baspasóz qyzmetine silteme jasap.
Jańa jyl qarsańynda qutqarýshylar kúsheıtilgen rejımde jumys istedi. Máselen, 31 jeltoqsanda respýblıka boıynsha 88 ret órt pen tutaný oqıǵasy tirkeldi. Budan bólek, izdestirý, avarıalyq-qutqarý jáne basqa da jumystarǵa qatysty.
"Bul rette 25 adam, onyń ishinde 8 bala qutqaryldy jáne evakýasıalandy", - deıdi qutqarýshylar.
Al jańa jylǵa qaraǵan túni Kaspıı jaǵalaýynda jasandy pálma otqa orandy. Órt sóndirýshiler ony óshirip úlgerdi. Al jaǵalaýda jınalǵan halyq qutqarýshylarǵa qoshemet kórsetti.
Tótenshe jaǵdaılar mınıtrligi azamattardy órt qaýipsizdik sharalaryn, daýyl týraly eskertýlerdi, aýa-raıynyń ózgerýin, joldardyń jabylýy týraly habarlamalardy baqylap, alys saparlarǵa shyqpaýǵa shaqyrady. Al aýyldyq jerlerde turatyn turǵyndarǵa aýa raıy nasharlaǵan jaǵdaıda alys qashyqtyqqa shyqpaǵan abzal.