Úndistan halqyna jáne Úkimetine kóńil aıtty.
Qasym-Jomart Toqaev Úndistan Premer-mınıstri Narendra Modıge Úndistannyń Gýdjarat shtatynda bolǵan qaıǵyly oqıǵa saldarynan kóptegen adamnyń qaza tabýyna baılanysty kóńil aıtty, dep habarlaıdy Almaty-akshamy.kz Aqordanyń baspasóz qyzmetine silteme jasap.
«Úndistannyń Gýdjarat shtatynda jaıaý júrginshi kópiriniń qulaýy saldarynan kóptegen adamnyń qaza tapqany jáne jaraqat alǵany týraly sýyt habardy tereń kúızelispen qabyldadym. Osy qaıǵyly oqıǵaǵa baılanysty Úndistan halqyna jáne Úkimetine kóńil aıtamyn. Sondaı-aq jaqyndarynan aıyrylǵan otbasylardyń qaıǵysyna ortaqtasyp, zardap shekkenderdiń tezirek saýyǵyp ketýine tilektestik bildiremin», – dep jazylǵan jedelhatta.
Eske sala ketsek, Úndistannyń batysyndaǵy Gýdjarat shtatyndaǵy aspaly kópirdiń qulam, 141 adam qaza tapqan bolatyn. Olardyń arasynda habar-osharsyz ketkender de bar. Kópir uzaq jóndeýden ótken. Qoldanysqa berilgen kópir birneshe kún ótken soń qulaǵan.