İs-shara Qazaqstannyń tóraǵalyǵymen ótedi.
14 qazanda elordamyzda Prezıdent Qasym-Jomart Toqaev TMD memleketteri basshylary keńesine qatysady, dep habarlaıdy Almaty-akshamy.kz
Osy kúnge «Ortalyq Azıa – Reseı» samıti josparlanǵan. Sondaı-aq Memleket basshysy aldaǵy aptada birqatar halyqaralyq is-sharaǵa qatysady.
11-12 qazanda Qatar Ámiri sheıh Támım ben Hamad Ál Tanıdyń Qazaqstanǵa memlekettik sapary josparlanǵan.
12-13 qazanda Túrkıa prezıdenti Rejep Taııp Erdoǵan elimizge memlekettik saparmen keledi.
13 qazanda Qasym-Jomart Toqaevtyń tóraǵalyǵymen Azıadaǵy ózara yqpaldastyq jáne senim sharalary jónindegi keńestiń VI samıti ótedi. Shara aıasynda Prezıdent memleketter men úkimetter basshylarymen, sondaı-aq halyqaralyq uıymdardyń jetekshilerimen birqatar ekijaqty kezdesý ótkizedi.
15 qazanda Qazaqstanǵa Túrikmenstan Prezıdenti Serdar Berdimuhamedov memlekettik saparmen keledi.