Eki el arasyndaǵy mádenı-gýmanıtarlyq yntymaqtastyq ta qarqyndy damyp keledi.
Memleket basshysy Armenıa premer-mınıstri Nıkol Pashınánmen telefon arqyly sóılesti, dep habarlaıdy Almaty-akshamy.kz Aqordaǵa silteme jasap.
Áńgimelesý barysynda Prezıdent Qasym-Jomart Toqaev ekijaqty qatynastardyń dáıekti damyp kele jatqanyn atap ótip, ózara baılanystardy nyǵaıtýǵa belsendi saıası dıalog jáne eki memlekettiń úkimetteri men parlamentteri deńgeıindegi yqpaldastyq septigin tıgizetinin aıtty. Mádenı-gýmanıtarlyq yntymaqtastyq ta qarqyndy damyp keledi.
Qasym-Jomart Toqaev Aqtaý – Erevan – Aqtaý baǵyty boıynsha áýe reısteriniń iske qosylýyn oń baǵalady. Sonyń nátıjesinde bıznes-baılanystar men týrısik saparlar aıtarlyqtaı jandana tústi.
Taraptar perspektıvti baǵyttardaǵy, sonyń ishinde kólik, logıstıka jáne saýda salalaryndaǵy qarym-qatynastardy odan ári arttyrý máselesin talqylady.