Toqaev Tájikstan Madjlısı Olı Madjlısı mıllı tóraǵasyn qabyldady

Toqaev Tájikstan Madjlısı Olı Madjlısı mıllı tóraǵasyn  qabyldady Aqorda

Kezdesýde Prezıdent Qasym-Jomart Toqaev pen Tájikstan Madjlısı Olı Madjlısı mıllı tóraǵasy Rýstamı Emomalı qazaq-tájik strategıalyq seriktestigi jáne odaqtastyq qatynastaryn parlamentaralyq baılanystardy damytý turǵysynan talqylady.

Memleket basshysy ekijaqty yntymaqtastyqtyń damý qarqynyna joǵary baǵa berdi. Sondaı-aq Rýstamı Emomalıdiń sapary Qazaqstan men Tájikstannyń ózara yqpaldastyǵyn odan ári nyǵaıtýda mańyzdy ekenine toqtaldy.

Tájikstan Parlamenti joǵary palatasynyń spıkeri qonaqjaılyq tanytqany úshin Memleket basshysyna alǵys aıtyp, Tájikstan Prezıdenti Emomalı Rahmonnyń sálemin jetkizdi.

Rýstamı Emomalı Qazaqstan Tájikstannyń senimdi strategıalyq seriktesi jáne odaqtasy ekenin atap ótti. Sonymen qatar Memleket basshysyn Qazaqstan Respýblıkasy Konstıtýsıasynyń 30 jyldyǵymen quttyqtap, halyqtarymyzdyń ıgiligi úshin eki eldiń parlamentteri arasynda konstrýktıvti jáne iskerlik baılanystar jolǵa qoıylǵanyna nazar aýdardy.

Kezdesýde saýda-ekonomıkalyq yqpaldastyqty, parlamentaralyq dıplomatıa men sý salasyndaǵy baılanysty arttyrýdyń ózekti máseleleri talqylandy.

Sonymen qatar ekijaqty qarym-qatynas dostyq jáne ózara qoldaý rýhynda damyp kele jatqany aıtyldy.

Memleket basshysy ekijaqty strategıalyq seriktestikti nyǵaıtýǵa ólsheýsiz úles qosqany úshin Rýstamı Emomalıdi İİ dárejeli «Dostyq» ordenimen marapattady.

Sizdiń reaksıańyz?
Unaıdy
0
Unamaıdy
0
Kúlkili
0
Shekten shyqqan
0
Sońǵy jańalyqtar

22:51

22:11

18:46

18:14

17:57

17:51

17:34

17:34

17:34

16:44

16:43

16:36

16:07

16:06

15:56

15:29

15:00

14:45

14:43

14:38

13:31

13:03

12:49

12:00

11:24