Kóńil aıtý jedelhatyn joldady.
Qazaqstan Prezıdenti Qasym-Jomart Toqaev «ArselorMıttal Temirtaý» AQ shahtasynda qaza tapqan jumysshylardyń otbasylaryna kóńil aıtty, dep habarlaıdy Almaty-akshamy.kz Aqordanyń baspasóz qyzmetine silteme jasap.
Qasym-Jomart Toqaev Qaraǵandy oblysynyń Shahtınsk qalasyndaǵy «ArselorMıttal Temirtaý» AQ shahtasynda bolǵan apat saldarynan qaza tapqan jumysshylardyń otbasylary men jaqyndaryna kóńil aıtý jedelhatyn joldady.
« ArselorMıttal Temirtaý» aksıonerlik qoǵamynyń shahtasynda bolǵan apat saldarynan qaza tapqan jumysshylardyń otbasylary men jaqyndarynyń qaıǵysyna ortaqtasyp, kóńil aıtamyn. Zardap shekken azamattardyń tezirek saýyǵyp ketýine tilektestik bildiremin. Úkimetke jáne Qaraǵandy oblysynyń ákimine apat sebepterin anyqtaý úshin shuǵyl sharalar qabyldaýdy jáne qaıtys bolǵan jáne zardap shekken azamattardyń otbasylaryna tıisti kómek kórsetýdi tapsyrdym, – dep jazylǵan jedelhatta».
Cońǵy málimetter boıynsha,ArselorMıttal Temirtaý kenishinde qaza bolǵandardyń sany 5 adamǵa jetti. Bul týraly QR TJM baspasóz qyzmeti habarlady.
«Sońǵy aqparat boıynsha ArselorMıttal Temirtaý kenishinde qaıtys bolǵandardyń sany 5 adamǵa jetti. Taǵy bir adamnyń denesi tabyldy» delingen habarlamada.
Besinshi kenshiniń denesi apattyq-qutqarý jumystary kezinde tańǵy saǵat 09:09-da tabylǵany belgili boldy. Ol jaıly oblys ákimdigi habarlady.
Esterińizge sala ketsek, 3 qarasha kúni saǵat 3.03-te «Arselor Mıttal Temirtaý» AQ Kómir departamentiniń Lenın atyndaǵy shahtasynda apat boldy.