Shahtada apat boldy.
Qaraǵandy oblysy, Shahtınsk qalasynda Lenın atyndaǵy shahtada apat boldy. Nátıjesinde 4 kenshi kóz jumdy, dep habarlaıdy Almaty-akshamy.kz QazAqparatqa silteme jasap.
3 qarasha kúni saǵat 3.03-te «Arselor Mıttal Temirtaý» AQ Kómir departamentiniń Lenın atyndaǵy shahtasynda apat boldy.
«Oqıǵa bolǵan kezde shahtada 106 qyzmetker boldy, 101 adam jer betine kóterildi. 5 adam (baǵanaly bólik jumyskerleri) kóterý torlarynyń jumys isteýi úshin qaldy», dep málimdedi ákimdikte.
Qazirgi ýaqytta shahtanyń 4 qyzmetkeriniń denesi tabyldy, 4 adam jer betine shyǵarylǵan soń Shahtınsk qalasynyń Ortalyq aýdandyq aýrýhanasyna jatqyzyldy.
Oqıǵa ornynda oblys ákimi, qala basshysy jáne kompanıa jetekshileri, «Kómir» ÁQQQ avarıalyq-qutqarý qyzmeti jumys istep jatyr.
Oryn alǵan oqıǵaǵa baılanysty polısıa mamandary qylmystyq is qozǵady.
«Oqıǵa ornynda Qaraǵandy oblysy polısıa departamentiniń jedel-tergeý toptary jumys istep jatyr. Qazirgi ýaqytta barlyq qajetti tergeý áreketteri júrgizilýde», - dep habarlady Qaraǵandy oblysy PD baspasóz qyzmeti.