Memleket basshysy tanymal shahmatshy qyzdarǵa iltıpat bildire otyryp, bul oıynǵa erekshe mán beretinin atap ótti.
Prezıdent Qazaqstannyń áıelder quramasy aldaǵy ýaqytta Úndistanda ótetin Dúnıejúzilik shahmat olımpıadasynda tabysty óner kórsetetinine senim bildirdi, dep habarlaıdy Almaty-akshamy.kz
Aqordaǵa Prezıdentpen kezdesýge álem chempıondary men halyqaralyq grosmeısterler – Jansaıa Ábdimálik, Dınara Sádýaqasova, Bıbisara Asaýbaeva, Gúlisqan Naqbaeva, halyqaralyq sheber Merýert Kamalıdenova jáne Qazaqstan shahmat federasıasynyń prezıdenti Ǵalym Qusaıynov pen onyń vıse-prezıdenti Dármen Sádýaqasov shaqyryldy.
Prezıdent mektepti «Altyn belgimen» bitirgen Bıbisara Asaýbaevaǵa tabys tilep, Gúlisqan Naqbaevany ótken týǵan kúnimen quttyqtady.
Áńgimelesý jáne pikir almasý formatynda ótken kezdesýde ulttyq qurama kóshbasshylary – Dınara Sádýaqasova, Jansaıa Ábdimálik, Bıbisara Asaýbaeva jáne Qazaqstan shahmat federasıasynyń basshylyǵy sóz sóıledi.
Qasym-Jomart Toqaev kezdesýde elimizde shahmat sportyn damytý, onyń ishinde memleket tarapynan júıeli kómek kórsetý, qajetti ınfraqurylymmen qamtamasyz etý jáne shahmatty jeke sport túri retinde nasıhattaý jónindegi qatysýshylardyń usynystaryn tyńdady.
Prezıdent mektep baǵdarlamasyna shahmatty fakúltatıvtik pán retinde qosý, Almatyda 1500 balaǵa arnalǵan shahmat pen aqparattyq tehnologıalardy tereńdetip oqytatyn mektep-ınternat salý jónindegi usynysty qoldady.
Budan bólek, Memleket basshysy kásipkerler tarapynan shahmat sportyn damytýǵa qoldaý kórsetýdiń mańyzdy ekenine basa mán berdi. Kezdesý sońynda Qasym-Jomart Toqaev shahmat salasyn damytýǵa budan bylaı da qoldaý kórsetetinin atap ótip, jas sportshylarǵa halyqaralyq arenada jańa tabys tiledi.