Prezıdent Qasym-Jomart Toqaev Premer-Mınıstr Álıhan Smaıylov, Tótenshe jaǵdaılar mınıstri Iýrıı Ilın jáne Qostanaı oblysynyń ákimi Arhımed Muhambetovtyń órt aımaǵyndaǵy jedel jaǵdaı týraly esebin tyńdady, dep habarlaıdy Almaty-akshamy.kz Almaty.tv-ge silteme jasap.
Barlyq memlekettik organnyń jumysyn Prezıdent Ákimshiliginiń basshysy Murat Nurtileý men Prezıdenttiń kómekshisi - Qaýipsizdik keńesiniń hatshysy Ǵızat Nurdáýletov úılestiredi. Olar Memleket basshysyna órtti aýyzdyqtaý jáne eldi mekenderden azamattardy evakýasıalaý boıynsha qabyldanǵan sharalar týraly jedel baıandap otyr.
Prezıdent azamattardyń qaýipsizdigin qamtamasyz etý men órtti sóndirý sharalaryna basymdyq berýdi tapsyrdy. Sondaı-aq Úkimetke tótenshe jaǵdaıdyń saldaryn joıý úshin qajetti qarajat bólý týraly tapsyrma berildi.
Órtke qatysty tek senimdi derekterge ǵana súıenýińizdi suraımyz!
TJM jedel jelini iske qosty.
8 717 2 53 32 84, 8 714 2 50 36 24.
Zardap shekkendermen psıhologtar jumys istep jatyr. Kómekke muqtaj jandar bolsa 112 jáne 101 telefondaryna habarlassa bolady.