Memleket basshysy munaı-gaz salasynyń qyzmetkerlerin kásibı merekesimen quttyqtady, - dep habarlaıdy Aqshamnews.kz tilshisi.
Aqordada ótken saltanatty jıynda Prezıdent Qasym-Jomart Toqaev munaı-gaz kesheni el ekonomıkasynyń asa mańyzdy salasy ekenin atap ótti.
– Sizder osy salada adal eńbek etip, memleketimizdiń damýyna mol úles qosyp kelesizder. Bul naǵyz eńbek adamdaryna tán qasıet dep sanaımyn. Jalpy, elimizdegi munaı-gaz ónerkásibiniń ózindik dástúri, baı tarıhy bar. Osy salanyń qalyptasyp, órkendeýine birneshe býyn ókilderi zor eńbek sińirdi. Sizderdi aǵa býynnyń laıyqty izbasary deýge bolady. Qazir munaı-gaz salasynda eki júz myńnan astam adam jumys isteıdi. Sizderdiń tabandy eńbekterińizdiń arqasynda Qazaqstanymyz órkendep, kórkeıýde. Men muny joǵary baǵalaımyn. Bárińizge shynaıy rızashylyǵymdy bildiremin, – dedi Qasym-Jomart Toqaev.